Мазмұнға өту
Neo Group

Пайдаланушы келісімі (сайтты пайдалану шарттары)

Бұл — ақпараттық аударма. Сәйкессіздік болған жағдайда құжаттың орыс тіліндегі нұсқасы басым күшке ие.

1. Жалпы ережелер және Келісімді акцепттеу

1.1. Осы Пайдаланушы келісімі (пайдалану шарттары, бұдан әрі – «Келісім») «LEGAL MONEY» Микроқаржы ұйымы» Жауапкершілігі шектеулі серіктестігі, БСН 220440007472 (бұдан әрі – «Оператор», «Компания», «Сайт әкімшілігі») мен Интернет желісінің пайдаланушысы (бұдан әрі – «Пайдаланушы») арасында https://neogroup.kz/ мекенжайы бойынша орналастырылған интернет-ресурсты (бұдан әрі – «Сайт») пайдалану кезінде туындайтын қатынастарды реттейді.

1.2. Осы Келісім Оператордың ресми жария құжаты болып табылады және тұлғалардың белгісіз тобына арналған. Келісім Қазақстан Республикасы Азаматтық кодексінің 395-бабының мағынасында жария оферта болып табылмайды. Сайтта орналастырылған көрсетілетін қызметтер, олардың шарттары, тарифтері туралы мәліметтер және өзге де материалдар тек ақпараттық (анықтамалық) сипатта болады, жария оферта болып табылмайды және Оператор үшін шарт жасасу міндетін туғызбайды. Қызметтерді көрсетудің нақты шарттары Оператор мен Пайдаланушы арасында белгіленген тәртіппен жасалатын жеке шарттармен айқындалады.

1.3. Сайтты кез келген тәсілмен пайдалану, оның ішінде оның беттерін қарау, Пайдаланушының осы Келісімнің шарттарымен және Тараптар қатынастарының ажырамас бөлігі болып табылатын Оператордың дербес деректерді жинауға, өңдеуге және қорғауға қатысты Саясатының шарттарымен толық әрі сөзсіз келіскенін білдіреді. Осы Келісімнің шарттарымен келіспеген жағдайда Пайдаланушы Сайтты пайдаланудан бас тартуға міндетті.

1.4. Оператор кез келген уақытта біржақты тәртіппен осы Келісімнің шарттарын өзгертуге құқылы. Егер жаңа редакцияда өзгеше көзделмесе, өзгерістер Келісімнің жаңа редакциясы Сайтта орналастырылған сәттен бастап күшіне енеді. Пайдаланушы Келісімнің өзгерістерін өз бетінше қадағалауға міндетті. Өзгерістер енгізілгеннен кейін Сайтты пайдалануды жалғастыру Пайдаланушының Келісімнің жаңа редакциясымен келіскенін білдіреді.

1.5. Егер Пайдаланушы Қазақстан Республикасының заңнамасына сәйкес тиісті әрекеттерді өз бетінше жасауға құқылы болатын жасқа толмаған болса, Сайтты пайдалануға заңды өкілдердің келісімімен және бақылауымен жол беріледі.

2. Терминдер мен анықтамалар

2.1. Осы Келісімде мынадай терминдер пайдаланылады:

  • «Сайт» – Интернет желісінде https://neogroup.kz/ мекенжайы және оның қосалқы домендері бойынша орналастырылған ақпараттың, мәтіндердің, графикалық элементтердің, дизайнның, кескіндердің, ЭЕМ-ге арналған бағдарламалардың, деректер базаларының және өзге де объектілердің жиынтығы;
  • «Контент» – Сайтта орналастырылған барлық объектілер, оның ішінде дизайн элементтері, мәтін, графикалық кескіндер, иллюстрациялар, бейнематериалдар, ЭЕМ-ге арналған бағдарламалар, деректер базалары, музыка, дыбыстар, тауар таңбалары, қызмет көрсету таңбалары, фирмалық атаулар және өзге де объектілер, сондай-ақ кез келген өзге де контент;
  • «Пайдаланушы» – Сайтқа қол жеткізуді жүзеге асыратын және (немесе) Сайтты пайдаланатын әрекетке қабілетті жеке тұлға не заңды тұлға;
  • «Сайт әкімшілігі» – Сайтты басқаруды жүзеге асыратын және оған құқықтары бар Оператор.

2.2. Осы Келісімде айқындалмаған өзге де терминдер Қазақстан Республикасының заңнамасында белгіленген мағыналарда қолданылады.

3. Келісімнің мәні

3.1. Осы Келісімнің мәні Оператордың Пайдаланушыға осы Келісімде және Қазақстан Республикасының заңнамасында белгіленген шарттарда Сайтқа және оның функционалдық мүмкіндіктеріне қол жеткізуді беруі болып табылады.

3.2. Сайт Пайдаланушыға Оператордың қызметі, оның көрсететін қызметтері туралы ақпаратқа, сондай-ақ кері байланыс және өтінімдер мен өтініштерді жіберу сервистеріне қол жеткізуді береді. Сайтқа қол жеткізу өтеусіз негізде беріледі.

3.3. Осы Келісім Сайттың барлық сервистері мен функционалдық мүмкіндіктеріне қолданылады. Сайттың жекелеген сервистерін пайдалану осы Келісімнің ажырамас бөлігі болып табылатын қосымша шарттармен реттелуі мүмкін.

4. Сайтта орналастырылған ақпараттың мәртебесі мен сипаты

4.1. Сайтта орналастырылған барлық ақпарат тек ақпараттық (анықтамалық) сипатта болады және жеке ұсыным, консультация, оферта, шарт жасасу туралы ұсыныс не баяндалған шарттарда қызметтер көрсету кепілдігі болып табылмайды.

4.2. Оператор Сайтта орналастырылатын ақпараттың дұрыстығы мен өзектілігін қамтамасыз ету үшін орынды күш-жігер жұмсайды, алайда оның толықтығына, дәлдігіне және кез келген уақыт сәтіндегі өзектілігіне кепілдік бермейді және кез келген уақытта алдын ала хабарламай Сайтта орналастырылған кез келген ақпаратты өзгертуге, толықтыруға және жоюға құқылы.

4.3. Оператордың Пайдаланушымен өзара іс-қимыл шарттары, олар болған кезде, Пайдаланушымен белгіленген тәртіппен жасалатын жеке шарттармен (келісімдермен) айқындалады. Сайтта орналастырылған ақпарат пен жасалған шарттың талаптары арасында алшақтық болған жағдайда шарттың талаптары қолданылады.

4.4. Сайтта орналастырылған ақпарат қаржылық, заңдық, салықтық немесе өзге де кәсіби консультация болып табылмайды. Пайдаланушы мұндай ақпарат негізінде кез келген шешімді өз бетінше және өз тәуекеліне қабылдайды.

5. Пайдаланушының құқықтары мен міндеттері

5.1. Пайдаланушы мыналарға құқылы:

  • осы Келісімге және Қазақстан Республикасының заңнамасына сәйкес Сайтқа қол жеткізуді жүзеге асыруға және оның функционалдық мүмкіндіктерін пайдалануға;
  • Сайт арқылы өтінімдер, сұрау салулар және өтініштер жіберуге, сондай-ақ Оператор белгілеген тәртіппен оларға жауаптар алуға;
  • Сайтта орналастырылған ақпаратты Оператордың Контентке құқықтарын сақтай отырып, тек жеке, коммерциялық емес мақсаттарда пайдалануға.

5.2. Пайдаланушы мыналарға міндетті:

  • Сайтты пайдалану кезінде осы Келісімнің шарттарын және Қазақстан Республикасы заңнамасының талаптарын сақтауға;
  • Сайттағы нысандарды толтыру кезінде дұрыс, толық және өзекті ақпарат беруге, сондай-ақ үшінші тұлғалардың дербес деректерін беру үшін құқықтық негіздердің болуын қамтамасыз етуге;
  • Оператордың және (немесе) үшінші тұлғалардың құқықтары мен заңды мүдделерін бұзатын әрекеттер жасамауға, сондай-ақ Сайттың қалыпты жұмыс істеуіне қатер төндірмеуге;
  • өзі пайдаланатын құрылғылардың, бағдарламалық қамтылымның және қол жеткізу деректерінің құпиялылығы мен қауіпсіздігін өз бетінше қамтамасыз етуге, сондай-ақ оларды пайдалана отырып жасалған барлық әрекеттер үшін жауаптылықта болуға;
  • осы Келісімнің және дербес деректерді өңдеуге қатысты Саясаттың өзекті редакциясымен өз бетінше танысуға.

6. Оператордың құқықтары мен міндеттері

6.1. Оператор мыналарға құқылы:

  • кез келген уақытта біржақты тәртіппен Сайттың мазмұнын, ресімделуін және функционалдық мүмкіндіктерін, сондай-ақ осы Келісімнің шарттарын өзгертуге;
  • профилактикалық, регламенттік, жөндеу және өзге де жұмыстарды жүргізу үшін Пайдаланушыны алдын ала хабардар етпей Сайттың жұмысын (толық немесе ішінара) тоқтата тұруға, шектеуге немесе тоқтатуға;
  • Пайдаланушы осы Келісімнің шарттарын немесе Қазақстан Республикасы заңнамасының талаптарын бұзған жағдайда оның Сайтқа қол жеткізуін шектеуге;
  • дербес деректерді жинауға, өңдеуге және қорғауға қатысты Саясатқа сәйкес Пайдаланушының дербес және өзге де деректерін жинауды және өңдеуді жүзеге асыруға;
  • Пайдаланушыға Сайтты пайдалануға байланысты хабарламалар, сондай-ақ келісім болған кезде – ақпараттық және жарнамалық хабарлар жіберуге.

6.2. Оператор осы Келісімге сәйкес Сайтқа қол жеткізуді қамтамасыз етуге, сондай-ақ Пайдаланушылардың дербес деректерін өңдеуге және қорғауға қатысты Қазақстан Республикасы заңнамасының талаптарын сақтауға міндетті.

7. Зияткерлік меншік

7.1. Сайт және онда орналастырылған барлық Контент, оның ішінде, бірақ олармен шектелмей, домендік атау, дизайн, құрылым, мәтіндік және графикалық материалдар, бағдарламалық қамтылым, деректер базалары, тауар таңбалары, қызмет көрсету таңбалары, фирмалық атау және коммерциялық белгілеу зияткерлік меншік объектілері болып табылады, оларға құқықтар Операторға тиесілі не оларды Оператор заңды негіздерде пайдаланады және олар Қазақстан Республикасының заңнамасымен қорғалады.

7.2. Осы Келісімнің ешбір ережесі Пайдаланушыға Контентпен жеке, коммерциялық емес мақсаттарда танысуды қоспағанда, Сайттың Контентін пайдалану құқығын бермейді. Қазақстан Республикасының заңнамасында тікелей көзделген жағдайларды қоспағанда, Оператордың алдын ала жазбаша рұқсатынсыз Контентті кез келген пайдалануға, оның ішінде көшіруге, қайта шығаруға, қайта өңдеуге, таратуға, жария көрсетуге, жалпы жұрттың назарына жеткізуге тыйым салынады.

7.3. Контентті осы Келісімнің шарттарын бұза отырып пайдалану Қазақстан Республикасының заңнамасында белгіленген жауаптылыққа әкеп соғады.

8. Кепілдіктерден бас тарту және жауаптылықты шектеу

8.1. Сайт және оның сервистері Пайдаланушыға «сол күйінде» (as is) және «қолжетімді күйінде» (as available) шарттарында беріледі. Оператор Сайттың үздіксіз, қатесіз және іркіліссіз жұмыс істейтініне, кез келген уақытта қолжетімді болатынына, Пайдаланушының мақсаттары мен күтулеріне сәйкес келетініне, сондай-ақ Сайтты пайдалану арқылы алынған нәтижелердің дәл және сенімді болатынына кепілдік бермейді.

8.2. Қазақстан Республикасының заңнамасында жол берілетін шектерде Оператор мыналардың нәтижесінде туындаған кез келген тікелей немесе жанама залал, айырылып қалған пайда, сондай-ақ өзге де зиян үшін жауаптылықта болмайды: Сайтты пайдалану не оны пайдалану мүмкін болмауы; Оператордың кінәсінен болмаған, үшінші тұлғалардың Пайдаланушының деректеріне рұқсатсыз қол жеткізуі; Оператордың орынды бақылауынан тыс себептерден туындаған Сайт жұмысындағы іркілістер, үзілістер және өзге де бұзушылықтар; байланыс операторларының, хостинг-провайдерлердің және өзге де үшінші тұлғалардың әрекеттері немесе әрекетсіздігі; Пайдаланушының Сайтта орналастырылған ақпаратты пайдалануы.

8.3. Оператор Сайтта сілтемелері болуы мүмкін үшінші тұлғалардың интернет-ресурстарының мазмұны үшін, сондай-ақ Пайдаланушының мұндай ресурстарды пайдалануының кез келген салдары үшін жауаптылықта болмайды. Сілтемелерді орналастыру Оператордың тиісті ресурстарды және олардың мазмұнын мақұлдағанын білдірмейді.

8.4. Пайдаланушы Сайтты өзінің жеке тәуекеліне пайдаланады және Сайтты пайдалану нәтижесінде оның құрылғылары мен деректеріне келтірілуі мүмкін залал үшін өз бетінше жауаптылықта болады.

8.5. Оператордың Сайтты пайдалануға байланысты кез келген негіздер бойынша жиынтық жауаптылығы Қазақстан Республикасы заңнамасының императивтік нормаларында белгіленген шектермен шектеледі. Осы Келісімдегі ешнәрсе Оператордың жауаптылығын Қазақстан Республикасының заңнамасында жол берілетіннен үлкен көлемде жоққа шығармайды және шектемейді.

9. Сайтты пайдалану кезіндегі тыйым салынған әрекеттер

9.1. Сайтты пайдалану кезінде Пайдаланушыға мыналарға тыйым салынады:

  • Сайттың қалыпты жұмысын бұзуға, сондай-ақ оның жұмыс істеуін тұрақсыздандыруға бағытталған әрекеттер жасауға, оның ішінде зиянды бағдарламалық қамтылымды таратуға;
  • Сайтқа, оның жекелеген бөлімдеріне, серверлеріне, деректер базаларына, сондай-ақ басқа Пайдаланушылардың есептік жазбалары мен деректеріне рұқсатсыз қол жеткізуді жүзеге асыруға;
  • Оператордың жазбаша келісімінсіз Сайттан ақпарат жинау үшін автоматтандырылған құралдарды (оның ішінде скрипттерді, боттарды, парсерлерді) пайдалануға;
  • Сайт арқылы заңсыз, анық емес, қорлайтын, үшінші тұлғалардың құқықтарын немесе Қазақстан Республикасы заңнамасының талаптарын бұзатын ақпаратты орналастыруға немесе беруге;
  • Сайтты Оператордың келісімінсіз жарнаманы, спамды және өзге де материалдарды тарату үшін пайдалануға;
  • Оператордың және (немесе) үшінші тұлғалардың құқықтары мен заңды мүдделерін бұзатын өзге де әрекеттер жасауға.

9.2. Осы бөлімнің ережелерін бұзу Пайдаланушының Сайтқа қол жеткізуін шектеуге не тоқтатуға негіз болып табылады және Қазақстан Республикасының заңнамасында белгіленген жауаптылыққа әкеп соғады.

10. Бөгде ресурстарға сілтемелер

10.1. Сайтта үшінші тұлғалардың интернет-ресурстарына сілтемелер болуы мүмкін. Мұндай сілтемелер тек Пайдаланушының ыңғайлылығы үшін беріледі. Оператор бөгде ресурстардың мазмұнын, құпиялылық саясатын, жұмысқа қабілеттілігін және қауіпсіздігін бақыламайды және олар үшін жауаптылықта болмайды.

10.2. Сілтемелер бойынша өтуді және бөгде ресурстарды пайдалануды Пайдаланушы өз бетінше және өзінің жеке тәуекеліне жүзеге асырады.

11. Еңсерілмейтін күш жағдайлары

11.1. Егер Сайттың жұмысына байланысты міндеттемелерді толық немесе ішінара орындамау осы Келісім қолданысқа енгеннен кейін туындаған, Тараптар алдын ала болжай алмаған немесе орынды шаралармен болғызбай алмаған еңсерілмейтін күш жағдайларының (форс-мажордың), оның ішінде: дүлей зілзалалардың, өрттердің, авариялардың, эпидемиялардың, әскери іс-қимылдардың, терроризм актілерінің, жаппай тәртіпсіздіктердің, мемлекеттік органдардың әрекеттерінің (актілерінің), электр энергиясының ажыратылуының, байланыс желілері мен Интернет желісі жұмысындағы іркілістердің, сондай-ақ Оператордың орынды бақылауынан тыс өзге де жағдайлардың салдары болса, Оператор жауаптылықтан босатылады.

12. Дауларды шешу тәртібі және қолданылатын құқық

12.1. Осы Келісімге және Сайтты пайдалануға байланысты туындайтын Оператор мен Пайдаланушы арасындағы қатынастарға Қазақстан Республикасының құқығы қолданылады.

12.2. Осы Келісімнен туындайтын немесе оған байланысты барлық дауларды және келіспеушіліктерді Тараптар келіссөздер жолымен шешеді. Дауды реттеудің сотқа дейінгі (наразылық) тәртібін сақтау міндетті болып табылады; егер Қазақстан Республикасының заңнамасында өзге мерзім белгіленбесе, наразылықты қарау мерзімі ол алынған сәттен бастап он жұмыс күнін құрайды.

12.3. Келісімге қол жеткізілмеген кезде, егер Қазақстан Республикасы заңнамасының императивтік нормаларында өзге соттылық белгіленбесе, дау Қазақстан Республикасының заңнамасында белгіленген тәртіппен Оператордың орналасқан жері бойынша сотта қаралуға жатады.

13. Келісімді өзгерту және оның қолданысын тоқтату

13.1. Осы Келісім оны Оператор бекіткен және Сайтта орналастырған сәттен бастап күшіне енеді және оның күші жойылғанға немесе ол жаңа редакциямен ауыстырылғанға дейін мерзімсіз қолданылады.

13.2. Оператор Пайдаланушы осы Келісімнің шарттарын не Қазақстан Республикасы заңнамасының талаптарын бұзған жағдайда кез келген уақытта біржақты тәртіппен нақты Пайдаланушыға қатысты осы Келісімді орындаудан бас тартуға құқылы.

14. Қорытынды ережелер

14.1. Осы Келісім Сайтты пайдалану тәртібіне қатысты Оператор мен Пайдаланушы арасындағы толық келісімді құрайды және осы мәселе бойынша барлық бұрынғы уағдаластықтарды алмастырады.

14.2. Осы Келісімнің жекелеген ережелерін жарамсыз немесе заңды күші жоқ деп тану оның өзге де ережелерінің жарамсыздығына әкеп соқпайды.

14.3. Пайдаланушы осы Келісімнің шарттарын бұзған жағдайда Оператордың әрекетсіздігі Операторды өз мүдделерін қорғау үшін тиісті әрекеттерді кейінірек қолдану құқығынан айырмайды және Оператордың өз құқықтарынан бас тартқанын білдірмейді.

15. Оператордың деректемелері

Толық атауы: «LEGAL MONEY» Микроқаржы ұйымы» Жауапкершілігі шектеулі серіктестігі («LEGAL MONEY» МҚҰ» ЖШС).

БСН: 220440007472.

Заңды және нақты мекенжайы: Қазақстан Республикасы, Алматы облысы, Іле ауданы, Асқар Тоқпанов ауылдық округі, Асқар Тоқпанов ауылы, Қ. Байқадамқызы көшесі, 71-үй, 2-пәтер, пошта индексі 040718.

Ресми сайты: https://neogroup.kz/.